«AMANAT» партиясының Жаңақорған аудандық филиалы жанынан құрылған мониторингтік топ аудан тұрғындарын таза ауыз сумен қамтамасыз ету барысын тексерді.
Топ мүшелері партияның Сайлауалды бағдарламасы аясында әзірленген Жол картасына сәйкес, Жаңақорған ауданындағы ауыз су мекемесіне барып, су техникалары мен құбыр жүйесінің техникалық жағдайымен танысты. Мониторинг барысында жабдықтардың жұмыс істеу қабілеті, су сапасы және жүйенің тозу деңгейі назарға алынды.
Шараның мақсаты – елді мекен тұрғындарын сапалы ауыз сумен тұрақты түрде қамту мәселелерін бақылауда ұстау және кемшіліктер болса, оны дер кезінде шешу жолдарын ұсыну.