Министр байларға көбірек салық салуды ұсынды

Фото: istockphoto.com
Салық кодексінің жобасы бойынша Парламент Мәжілісінің жалпы отырысына Премьер-Министрдің Орынбасары – Ұлттық экономика министрі Серік Жұманғарин баяндама жасап, өзгерістерге тоқталды.
Серік Жұманғариннің айтуынша, салықтық реформа аясында кейбір тауар санаттары үшін салық мөлшерлемесін арттыру ұсынылуда, бұл бастама «сән-салтанат салығы» деп аталып отыр.
«Біз «сән-салтанат салығы» деп аталатын тауарлардың жекелеген санаттарына жоғары салық салуды ұсынамыз», – деді ол.
Осылайша, құны 450 млн теңгеден асатын жылжымайтын мүлік нысандарына мүлік салығының мөлшерлемесін арттыру көзделіп отыр.
Бұған қоса, құны 75 млн теңгеден асатын жеңіл автокөліктерге, сондай-ақ қымбат теңіз кемелері мен ұшу аппараттарына акциздер енгізу жоспарлануда.
Әділдік мақсатында қымбат алкогольдік ішімдіктер мен сигараларға 10% акциз енгізу ұсынылды.