ТҮНГІ РЕЙД: Жасөспірімдердің қауіпсіздігі басты назарда

Жасөспірімдер арасындағы құқықбұзушылықтың алдын алу және олардың қауіпсіздігін қамтамасыз ету мақсатында кезекті түнгі рейдтік шаралар өтті.

Аудан әкімінің орынбасары Б. Нуридинов, мектеп директоралы, жастар ресурстық орталығы және полиция қызметкерлері Жаңақорған кенті көшелерін, ойын-сауық орындарын бақылап, заңды өкілдерінің қарауынсыз жүрген жасөспірімдерді анықтады.
Рейд барысында профилактикалық әңгімелер жүргізіліп, жасөспірімдерге түнгі уақытта көшеде жүрудің қаупі мен жауапкершілігі түсіндірілді. Ата-аналарға да заң талаптары ескертіліп, балалардың қауіпсіздігін бақылауда ұстау маңызды екені айтылды.

Құқықбұзушылықтың алдын алу жұмыстары тұрақты түрде жүргізіледі. Барша тұрғындарды жасөспірімдер қауіпсіздігіне бейжай қарамауға шақырамыз!