Қайтыс болған қазақстандық төрт адамғак өмір сыйлады

Қайтыс болған 39 жастағы қазақстандық ағзаларын донорлыққа беріп, төрт адамды аман алып қалды. Марқұмның туыстары оның жүрек, өкпе және екі бүйрегін алуға келісім берген.
Денсаулық сақтау министрлігінің мәліметінше,23 қазанда Шығыс Қазақстан облыстық ауруханасында қайтыс болған донордан төрт пациентке ағзаларды сәтті трасплантаттау жүргізілген.
"Мидың өлімі туралы мәлімдемеден кейін 39 жастағы донордың туыстары келісім беріп, ағзаларды төрт адамға сыйға тартты. Марқұмнан жүрек, өкпе және екі бүйрек алынды. 47 жастағы ер адамға жүрек, 62 жастағы әйелге өкпе, 9 жастағы балаға бүйрек, ал 58 жастағы әйелге екінші бүйрек трансплантатталды. Осылайша, елдің төрт азаматы аман қалды" - деді ведмоство.