Бүгін Атом электр станциясын салу жөніндегі республикалық референдум қорытындысын қолдау мақсатында "Ордакент ардагерлер, жастар ресурстық орталығында" кездесу өтті.
Кездесу барысында аудандық қоғамдық даму бөлімінің басшысы Әбілғазы Төлегенов, Халықтық штаб мүшесі Наурызбай Орынбасаров референдумның  нәтижелеріне тоқталып, Орталық референдум комиссиясының алдын ала берген мәліметі бойынша дауыс беруге қатысқан азаматтар санының 71.12% АЭС құрылысын қолдағандарын атап өтті.
Осы ретте, референдум жұмысына қатысқан сайлаушылар көрсеткіші бойынша ауданымызда жоғары көрсеткішке жеткенін айтты. Бұдан бөлек аудан халқының дауыс беру күні жоғары белсенділікпен өз таңдауларын жасағанын жеткізді.