«Шалқия цинк» LTD АҚ-ның ұжымымен кездесу

АЭС салуды қолдау жөніндегі аудандық штаб мүшелері Ғалымжан Жарқынбекұлы, Әсілбек Айтжанов АЭС-ның маңыздылығын түсіндіру мақсатында «Шалқия Цинк» LTD АҚ– ның еңбек ұжымымен кездесті. Сонымен қатар жиынға аудан әкімінің орынбасары Бектас Нуридинов, "Amanat" партиясының аудандық филиалының атқарушы хатшысы Арман Мажитов қатысты.

Калездесу барысында штаб мүшелері Мемлекет басшысының Жолдауындағы еліміздің әлеуметтік-экономикалық дамуына бағытталған маңызды міндеттерді атап өтті. Соның ішінде АЭС құрылысын салу барлық коммуналдық және өнеркәсіптік кәсіпорындарды тұрақты және таза энергиямен қамтамасыз етіп, жылу мен электр қуатын берудегі іркіліс мәселесін шешетініне баса тоқталды.
Еңбек ұжымы алдағы референдумға белсенді қатысуға толық дайын екендіктерін білдірді.