Елімізде референдум өтуіне байланысты, Алматы қаласында атом энергетикасы және оның ресурстарының маңызы жайлы дөңгелек үстел ұйымдастырылды. Онда сөз алған "Қазақстандық атом электр станциялары" ЖШС бас директоры Тимур Жантикин атаулы тақырып төңірегінде тоқталып әрі АЭС салудың артықшылықтары мен кем тұстарын атады.
– АЭС құрылысының басымдықтарына тоқталатын болсақ, жыл сайын АЭС-тің 1 000 МВт жұмысы парниктік газ шығарындыларын 4 млн тоннаға дейін азайтады. Яғни, парник әсері төмендейді. АЭС құрылысы барысында жаңа жұмыс орындары ашылады. Ең бастысы, 60 жылдан астам уақыт бойы тұтынушылар сенімді, тұрақты энергиямен қамтамасыз етіледі, деп мәлімдеді "Қазақстандық атом электр станциялары" ЖШС бас директоры Тимур Жантикин.