АЭС салудың экономикалық артықшылықтары талқыланды

Бүгін М.Көкенов атындағы мәдениет үйінде "Бейбіт атом - береке, бірлік, болашақ!" тақырыбында Жаңақорған кенті тұрғындарының қатысуымен танымдық іс-шара өтті.

Шарада атом электр станциясын салудың экономикалық тиімділігі мен Қазақстанның энергетикалық тәуелсіздігін нығайтудағы рөлі талқыланды.
Кездесу барысында штаб мүшесі Әсіл Айтжанов қазіргі уақытта елімізде электр энергиясын тұтынудың жыл сайын 3%-ға өсіп отырғанын және қолданыстағы электр станцияларының тозуы салдарынан туындаған энергетикалық қауіптерді атап өтті.

Сонымен қатар, АЭС парниктік газдар шығармайтыны және 60 жылдан астам тұрақты энергиямен қамтамасыз ететіні де атап өтілді.