2025: жұмысшы мамандықтар жылы

Қазір мамандық таңдау өте үлкен жауапкершілікті талап етеді. Әсіресе бә­секеге қабілетті, заман көшіне сай маман иесі атану биік мәртебе. Болашақ баспалдағы мамандықты дұрыс таңдау­дан басталатынын ұмытпауымыз керек. Мемлекет басшысының айтуынша, кәсіптік білім беру саласына реформа жасау – айырықша өзекті мәселе. Бұл – эко­номиканың өсімін қамтамасыз ету және инвестициялық тартымдылығын арттыру үшін аса қажет қадам.
«Мен 2025 жылды Жұмысшы маман­дықтар жылы деп жариялаймын. Осы уақыт ішінде техникалық және кәсіби білім беру жүйесін реформалау қажет. Сондай-ақ біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз» деді Президент.

Әзия ҚЫСТАУБАЕВА,
«Құрмет» орденінің иегері