ҚР Ұлттық экономика министрлігінің Табиғи монополияларды реттеу комитеті мен оның аумақтық бөлімшелері бүкіл Қазақстан бойынша жылу энергиясын есептеу аспаптары жоқ тұтынушылар үшін жылумен жабдықтау қызметтерінің құнын қайта есептеу бойынша жұмысты аяқтады, деп хабарлайды министрліктің баспасөз қызметінен.
Қайта есептеу нәтижелері бойынша қаражатты қайтару тұтынушылардың дербес шотында жаңа жылыту кезеңінде (2024-2025 жылдар) не күнтізбелік жылда (2024 жылдың соңына дейін) аванс (сальдо) түрінде жеке жолмен көрініс табады. Қазақстан Республикасының Табиғи монополиялар туралы заңнамасының нормаларына сәйкес табиғи монополия субъектісі сыртқы ауаның нақты температурасын ескере отырып, жылу энергиясымен жабдықтау жөніндегі реттеліп көрсетілетін қызметтің құнын тікелей тұтынушыларға не жылу энергиясымен жабдықтау жөніндегі реттеліп көрсетілетін қызметке ақы төлеу кезінде тарифті төмендету жолымен тұтынушының тұрған жерін белгілеу мүмкін болмаған жағдайда қайта есептеуді жүргізуге міндетті. Осылайша, 2023-2024 жылдардың өткен жылыту кезеңінде жылумен жабдықтау саласында қызмет көрсететін табиғи монополиялар субъектілері ҚҚС есебімен жалпы сомасы 768 157,39 мың теңгеге есептеу аспаптары жоқ тұтынушылар үшін жылу энергиясы үшін төлемақыны қайта есептеді: - Астана қаласы бойынша - 2 279,97 мың теңге; - Алматы қаласы бойынша - 95 405,36 мың теңге; - Шымкент қаласы бойынша - 20 208,83 мың теңге; - Абай облысы бойынша - 13 594,64 мың теңге; - Алматы облысы бойынша - 18 100,47 мың теңге; - Ақмола облысы бойынша - 33 522,87 мың теңге; - Атырау облысы бойынша - 10 698,19 мың теңге; - Ақтөбе облысы бойынша - 37 701,48 мың теңге; - Шығыс Қазақстан облысы бойынша - 354 460,65 мың теңге; - Жамбыл облысы бойынша - 15 098,45 мың теңге; - Жетісу облысы бойынша - 6 073,80 мың теңге; - Батыс Қазақстан облысы бойынша - 1 187,85 мың теңге; - Қостанай облысы бойынша - 31 998,48 мың теңге; - Қызылорда облысы бойынша - 38 588,60 мың теңге; - Маңғыстау облысы бойынша - 60 948,78 мың теңге; - Павлодар облысы бойынша - 4 128,56 мың теңге; - Солтүстік Қазақстан облысы бойынша - 24 136,77 мың теңге; - Түркістан облысы бойынша - 23,64 мың теңге. Бұл ретте, Ұлытау облысы мен Қарағанды облысының тұтынушылары үшін өзге тәсіл қолданылады, өйткені жылу энергиясымен жабдықтау жөніндегі реттеліп көрсетілетін қызметтің құны сыртқы ауаның нақты температурасын ескере отырып жүргізіледі. Айта кету керек, жылу энергиясын есепке алу құралдарын орнату жылумен жабдықтау қызметтеріне жылу энергиясының нақты тұтынылған көлемі үшін ғана төлеуге мүмкіндік береді, бұл жылыту маусымында мүмкін болатын артық төлемді болдырмауға мүмкіндік береді. Бүгінгі таңда еліміздегі көппәтерлі тұрғын үйлерді аспаптау деңгейі шамамен 75% құрайды.