Алакөлде апатқа ұшыраған әуе аппараты тіркелмеген. Ұшқышта куәлік болмаған
Фото: ТЖМАлакөлдегі әуе апатына қатысты азаматтық авиация комитеті тексеріс жүргізді, деп хабарлайды “Адырна” ұлттық порталы.
25 шілдеде Алакөлде апатқа түскен әуе аппараты азаматтық әуе көліктерінің мемлекеттік тізімінде тіркелмеген, тиісінше ұшуға жарамды деген сертификаты да жоқ болып шықты.
Одан бөлек, ұшқышта авиация персоналының қолданыстағы куәлігі де жоқ.
«Әуе кемесінің құлау себептерін тергеумен құқық қорғау органдары айналысады. Әлеуметтік желілерде әуе кемелерінде, шарда және өзге де ұшу аппараттарында әуе сапарын жарнамалау жағдайлары жиілеп кетті» дейді комитеттен.
