ҰЛТТЫҚ АСПАБЫМЫЗ – ДОМБЫРА ЖАСАУДЫ ДАМЫТЫП ЖАТҚАН КӘСІПКЕР
Бүгін аудандық партия филиалының төрағасы Мажитов Арман Әбілпейсұлы жастармен бірге «Ұлттық мұра» партиялық жобасы аясында ұлттық құндылықтарды насихаттау мақсатында Қосүйеңкі ауылдық округіндегі қазақтың ұлттық аспабы – Домбыра жасау кәсібімен айналысып жатқан кәсіпкердің жұмысымен танысты.Жаңақорған ауданының кәсіпкері Оспанхан Маханбетұлы 2022 жылы музыкалық аспаптар, оның ішінде қазақтың ұлттық аспабы – Домбыра жасау цехын кеңейту мақсатында «Микробизнес-Қызылорда» бағдарламасы аясында 3 000 000 теңге жеңілдетілген несие алды.
Бір айда тапсырысқа байланысты 25-30 домбыра жасап шығарады. Тапсырыстардың басым бөлігі Қызылорда қаласы, Жаңақорған ауданы және Түркістан облысынан түседі. Қазіргі таңда 1 адамды тұрақты жұмыспен қамтып отыр.
Кәсіпкер Оспанхан Маханбетұлы кездесу барысында жастарға қазақтың ұлттық аспабы Домбыраның жасалу жолдарын таныстырды.
