Мақсатымыз бір – медициналық қызметтердің сапасын арттыру

«Q-MED» емханасының байланыс орталығына күн сайын тұрғындардан 60-қа жуық қоңырау түседі. Бұл медициналық қызметтердің сапасы бойынша кері байланыс арналарына жүктемені азайтады. Бұл туралы Әлеуметтік сақтандыру қорының Қызылорда облысы бойынша филиалының басшылығымен кездесу барысында емхана мамандары хабарлады.

Медициналық орталық бастапқы медициналық-санитарлық көмек көрсетеді. Клиникада зертханалық қызметтен, диагностикадан, дәрігерлердің кеңес алу, дәрі-дәрмекпен қамтамасыз етуден басқа жедел медициналық көмек қарастырылған. Қазіргі таңда 4 учаскелік аймақ облыс орталығының 7 мыңнан астам тұрғынына қызмет көрсетеді. Учаскелік аймақтың санын 15 мың адамды қамтитын 9-ға дейін кеңейту жоспарлануда.
«Біз сапалы медициналық қызмет көрсетуге және жеделдікке бағытталғанбыз. Пациенттерді қолдау және ішкі аудит қызметі, 8 705 176 70 24 телефон нөмірі бойынша байланыс орталығы бар. Пациенттерге арналған WhatsApp чатымызда тұрғындардың өтініштерін қарастырамыз. 2023 жылы оқшауланған жағдайлар болса, осы жылдың басынан бері пациенттерден бірде-бір шағым түскен жоқ», - деп атап өтті емхананың құрылтайшысы Раушан Базарбай.
Әлеуметтік медициналық сақтандыру қоры филиалының мәліметінше, емхананы қаржыландыру айтарлықтай артқан.
«2023 жылы Қор «Q-med» емханасына 159 миллион теңгеден астам қаржы бөлді. Биылдың өзінде шамамен 300-ге жуық миллион теңге қарастырылған. Қаржыландыру 47% - ға өсті», - дейді ӘМСҚ облыстық филиалының директоры Бақыт Исмаханбетов.