Ауданның көркеюі – көпшілік қуанышы
«Тазалық – денсаулық кепілі» демекші, туған өлкеміздің көгалданып, айналаның көз тартар сұлулыққа еніп, қоршаған ортамызды қорғауға әрі қамқорлық көрсетуді жас ұрпақ бойына сіңіру аудан көлемінде маңызды мәнге ие. Осы мақсатта, "AMANAT" партиясының "Tаза like" жобасы дәстүрлі түрде ұйымдастырылып, ауданның көркеюіне үлкен үлес қосып келеді. Осы жоба аясында тазалық мекемелері мен барлық сала қызметкерлері белсенділік танытып, елді көркейту жұмыстарына белсене атсалысуда.Әсіресе, "AMANAT" партиясының "Орталық" бастауыш партия ұйымының төрайымы Алма Мамирова кент көлемінде партияның белсенділік танытуымен тазалық акцияларын ұдайы ұйымдастырып, атаулы іс шараның өз деңгейінде өтуіне ықпал етіп келеді. Бүгінде жоба бойынша орталық алаңда көздің жауын алатын әдемі гүлдер егу жұмыстары ұйымдастырылды.
"Тазалық – жинаған жерде емес, сақталған жерде болады" дегендей, аудан тұрғындарын қоршаған ортаны ластамай, тазалық акциясының алдағы науқанына да белсенді атсалысуға шақырамыз.
