Тазалық "Жеңіс" саябағында
Кеше Жаңақорған кентіндегі «Жеңіс» саябағындағы «Мәңгілік алау» мемориалдық кешенін ретке келтіру, көгалдандыру, ақтау-сырлау, абаттандыру, күл-қоқыстан тазалау жұмыстары жүргізілді. Акцияға аудан әкімі Мұрат Тлеумбетов, аудан жастары, мекеме ұжымдары, ардагерлер, қоғам белсенділері қатысты.Атаулы акция бағдары аудандағы барлық кент және ауылдық округтердегі тарихи-мәдени ескерткіштерді абаттандыру жұмыстарына арналады. Аудан еріктілері мен жастары, ардагерлер, қоғам белсенділерінің қатысуымен Жаңақорған кентіндегі «Жеңіс» ескерткіші аумағын ретке келтіру, ақтау-сырлау, абаттандыру, күл-қоқыстан тазалау жұмыстары жүргізілді. Игі бастамаға Жаңақорған ауданының Құрметті азаматы, кәсіби медиатор, Ерғали Оразбеков те қатысып, тұрғындарды туған жерімізді бірге көркейтуге шақырды.
"Тазалық – жинаған жерде емес, сақталған жерде болады" дегендей, аудан тұрғындарын қоршаған ортаны ластамай, тазалық акциясының алдағы науқанына да белсенді атсалысуға шақырамыз.
