Таза қазақстан – таза аймақ
Мемлекет басшысы Қасым-Жомарт Кемелұлының бастамасымен елімізде жүргізіліп жатқан «Таза Қазақстан» республикалық акциясы аясында аймақ басшысы Нәлібаев Нұрлыбек Машбекұлының үндеуімен Сыр өңірінде «Таза Қазақстан – таза аймақ» экологиялық науқаны бастау алған болатын. Аталған акция: «Таза өлке», «Киелі мекен», «Жасыл аймақ», «Өнегелі ұрпақ» және «Мөлдір бұлақ» апталық кезеңдерін қамтып, бір айға жалғасады.Осы орайда, акцияның «Киелі мекен» апталығы аясында Жаңақорған ауданында бастау алған Қазақ тарихында өзіндік орны бар көне Сығанақ қалашығы аумағында ұйымдастырылған сенбілік шарасына аудан тұрғындары белсене атсалысты.
Сенбілік шарасын аудан әкімінің орынбасары Нуридинов Бектас Балғабайұлы ашып беріп, мәдениет саласының ардагері Шалапов Набихан Тұрсынқожаұлы Сығанақ қалашығының қазақ тарихындағы маңыздылығына тоқталса, Сунақата ауылының ардагері Амангелді Түкібаев сенбілікке қатысушыларға сәттілік тілеп, батасын берді.
Туған өлкеміздің көркеюіне үлес қосқан сенбілікке қатысушылар "Киелі орын" аумағын тазалау, сондай-ақ тал егу, шөбін шабу, әктеу жұмыстарын жүргізді.
