Көкпарларшылар марапат төрінде
Өзбекстан мемлекетінің Ферғана қаласында көкпардан өткен Президент кубогына арналған Халықаралық турнирдееліміздің Ұлттық құрама командасы сәтті өнер көрсетті.
Командалық сайыста сегіз құрама бақ сынады. Қазақстан Республикасының атынан қатысқан Қызылорда облысының, Жаңақорған ауданы, №7 спорт мектебінің шабандоздары, жүлделі ІІ-орынды иеленген болатын.
Осы орайда, бүгін аудан әкімінің орынбасары Бектас Нуридинов, аудандық мәслихат төрағасы Ғалымжан Сопбеков ауданымыздың мерейін үстем еткен көкпаршыларымызды арнайы қабылдап, аудан әкімінің алғыс хаты мен сый-сияпатын табыс етті. Сондай-ақ, алдағы өтетін Қазақстан Республикасының чемпионаты мен Дүниежүзілік Көшпенділер ойынында сәттілік тіледі.
