Жарасымды жанұя
Жаңақорған ауданының отбасын қолдау орталығының ұйымдастыруымен Наурызнама 10 күндігі аясында, яғни 17 наурыз-"Шаңырақ күніне" байланысты 50 жыл отасқан "Алтын шаңырақ" отбасылардың қатысуымен "Жарасымды жанұя" атты танымдық шара өткізілді.
Шараға ауданымыздың құрметті азаматтары, өсіп өнген Сахиевтер және Мұсабаевтар отбасылары қатысты. Ұйымдастырылған іс шарада отбасы тәрбиесі туралы пікірлер айтылды. Отбасылық құндылықтар дәріптеліп, өнегелі ұрпақ тәрбиелеген үлгілі отбасылар насихатталды. Өнегелі отбасыларға сый сияпаттар жасалынып, шара соңы әуезді әндермен әрленді.
