БӨЛІМ БАСШЫСЫ БАЙҚАУ ЖЕҢІМПАЗДАРЫН ҚАБЫЛДАДЫ
18 ақпан күні Шымкент қаласында "АТАДАН-МҰРА" Қоғамдық қорының бүлдіршіндер, мектеп оқушылары мен жасөспірімдер арасында ұйымдастырылған "АТАДАН-МҰРА" Республикалық байқауына қатысқан Жаңақорған кентінің "Балатаң" бөбекжай жеке балабақшасының 3 жастағы тәрбиеленушісі Әсетқызы Аяла мен 4 жастағы тәрбиеленуші Қалкөз Дарын "СӘН ҮЛГІСІ" номинациясы бойынша қолдан жасалған Ханзада мен Ханшайым киімін көрсетіп байқаудың БАС ЖҮЛДЕ иегерлері атанды.
Сонымен қатар Астана қаласында өтетін суперфиналға тегін жолдама, Туркия мемлекетінің Анталия қаласында өтетін байқауға жолдама және Алматы қаласындағы UMIT_CAMP көктемгі балалар лагеріне жолдама алды.Бүгін бөлім басшысының міндетін атқарушы Бекжан Шахизатұлы бүлдіршіндерді қабылдап, сый-сияпат тапсырды.
Бүлдіршіндерге сәттілік тілейміз!
Жаңақорған аудандық білім бөлімі
