Өнерге ұмтыл жас өрен!
Жаманбай батыр ауылдық округіндегі Бесарық ауылдық клубында «АДАЛ АДАМ» мәдени-тәрбие орталығы тұжырымдамасы аясында «Креативті HUB», «ART уақыт», «Кино-TIME», «Әлем-BOOK», «Сұхбат TIME» және «Жанұя шуағы» жобалары аясында бірқатар шаралар ұйымдастырылды. Тау беткейде орналасқан ауылдық клуб қызметкерлерінің қатысуымен ұйымдастырылған шаралар жоғары деңгейде өтті. Аудандық маслихат төрағасы Ғ.Сопбеков пен аудан әкімінің орынбасары Б.Нуридинов қонақ ретінде шараларды бірге тамашалады. Көркемөнерпаздар үйірмелерінің концерттік бағдарламасы да ұсынылды. Осы бағыттағы жұмыстар барлық мәдениет ошақтарында жалғасын таба беретін болады.
