Аймақ басшысы Нұрлыбек Нәлібаевтің бастамасымен өскелең ұрпақтың бойында отансүйгіштікті, туған жерге, өлкеге деген адалдықты қалыптастыру, оларды мәдени тәрбиемен қамту, бос уақыттарында шығармашылық үйірмелермен айналысуына жағдай жасау мақсатында «Адал адам» мәдени-тәрбие беру орталығы жоба ретінде қолға алынған болатын.


Бүгінгі күні жоба аясында ауданға қарасты барлық мәдениет және клуб үйлерінде, кітапханаларда «Кино-тайм», «Әлем BOOK» , «ART уақыт», «Жанұя шуағы», Еріктілер тобы, Сыр сұхбаттар ұйымдастырылуда.

Тұжырымдаманың мақсаты - елді мекендердегі халықтың мәдениет нысандарына қолжетімділігін арттыру, балалар мен жасөспірімдерді мәдени тәрбиемен қамту, олардың бос уақыттарында шығармашылық үйірмелермен айналысуына жағдай жасау болып табылады.