Бүгін М.Көкенов атындағы аудандық мәдениет үйінде мәдениет саласы бойынша 2023 жылы атқарылған жұмыстарды қорытындылауға арналған "Өнер - мәңгілік мұра" атты есепті концерті өтті.
Шараға аудан әкімі Мұрат Жолкелдіұлы Тілеуімбетов қатысып, мәдениет ошақтарының жұмысын жетілдіруге баса назар аударылатындығына тоқтала келе, мәдениет саласы қызметкерлерінің алдағы жұмыстарына сәттілік тіледі.
2023 жыл қорытындысымен "Үздік клуб кәсіпорны" номинациясымен Қожакент ауылдық клубы, "Үздік кітапхана" номинациясымен Бірлік ауылдық кітапханасы марапатталды. Сондай-ақ бір топ сала қызметкерлеріне аудан әкімінің Алғыс хаттары табыс етілді. Шара барысында сала жұмыстарының негізгі көрсеткіштері бейнеленген роликтер көрсетіліп, халықтық өнер ұжымдарының концерттік бағдарламасы ұсынылды.