Аналарға құрмет көрсетілді

Тәлім-тәрбие мен тағылымның тұнығы болған Аналар қашанда құрметтің төрінде болуы тиіс. Бүгін облыста осы мақсатта өткізілген аналар форумында өтті.
Аналардың мерейін өсірген форумға аймақ басшы Нұрлыбек Нәлібаевтың өзі қатысып, аналар қауымына алғысын білдірді. Ананың ұлылығы, ұрпақ тәрбиесіндегі рөлі бір форумда ғана айтылатын дүние емес. Оның ауқымы кең.
Дегенмен, жиынға қатысушылар “Ана” деген сөздің тереңіне бойлағандай. Алқалы жиын аналардың тағылымды сөздерімен жалғасын тапты.
Қатысушылар ұлт тәрбиесіндегі Ананың рөлін айшықтап, форум мәнін ұғындырды. Жиын соңында үздік Аналар облыс әкімінің арнайы алғыс хатымен марапатталды.