Партиялық бақылау жалғасуда

Бүгін “AMANAT” партиясы Жаңақорған аудандық филиалы жанындағы Партиялық бақылау комиссиясының мүшелері сайлауалды бағдарламаға енгізілген Қаратөбе ауылдық округіндегі амбулаториялық емхана құрылысына партиялық бақылау жасады. Емхана құрылысының жай-күйімен танысып, нысанының сапалы салынуын басты назарға алды. Партиялық бақылау барысында құрылыс нысанында айтарлықтай оң өзгерістер бар. Құрылыс қарқыны жақсы деңгейде жүруде. Жыл соңына дейін толығымен аяқталып, пайдалануға беріледі деп күтілуде.
Комиссия мүшелері бас мердігер компания өкіліне жүргізіліп жатқан құрылыс жұмыстарының уақытылы орындалуы партия бақылауында болатындығын, сонымен қатар халық игілігіне уақытында және сапалы берілу қажет екендігін атап өтті..