"AMANAT" партиясы Жаңақорған аудандық филиалы жанынан құрылған партиялық бақылау комиссиясының төрағасы Мажитов Арман Әбілпейсұлы аудандық статистика бөлімімен, ауылшаруашылығы бөлімімен бірлесе отырып Жаңақорған кентінде орналасқан сауда орындар мен азық-түлік дүкендеріне мониторинг жұмыстарын жүргізді.
Мониторинг барысында азық-түлік дүкендерінде тауарлардың сатылымдағы бағаларына сәйкес айырмашылықтарына мән беріліп қаралды. Аудандық статистика бөлімі мен ауылшаруашылығы бөлімінде көрсетілген баға көрсеткіштерімен айырмашылықтары тексеріліп, халыққа азық – түлік бағаларының қаншалықты қолжетімді екендігі қаралды.
Сонымен қатар бір айта кететіні қазіргі таңда сауда үйлеріне барған халық тұтынатын заттарының бағасын кассаға бармай-ақ тауар бағасын арнайы қондырғылар арқылы көре алады.
Алдағы уақытта мониторинг жұмыстары өз жалғасын табатын болады.