Қазгидромет синоптиктері 26 қыркүйек, сейсенбіге арналған ауа райы болжамын ұсынды. 


Антициклонның әсерінен Қазақстан аумағының басым бөлігінде жауын-шашын жаумайды.
Тек еліміздің солтүстігінде, шығысында атмосфералық фронттардың әсерінен жаңбыр, шығысында жаңбыр мен қар жауады.
Республика бойынша түнде және таңертең тұман түседі, оңтүстік-батыста, оңтүстікте, шығыста екпінді жел соғады. 
Қызылорда облысының орталығында, шығысында, оңтүстігінде төтенше өрт қаупі сақталады.