Қаржы министрлігінің мемлекеттік кірістер комитетінің жалпыға бірдей декларациялау және жеке кірістерді әкімшілендіру департаменті басшысының орынбасары Ерқанат Шынбергенов блогерлер де салық төлеуге тиіс екенін айтты. Бұл туралы мемлекеттік кірістер комитетінің ресми YouTube арнасында хабарлады.


«Блогерлер жарнама, оқыту курстары, ақпараттық өнімдер және ұтыс ойындары сияқты әлеуметтік желілерде әр түрлі қызметті ұсына отырып, табыс табатыны бәрімізге айқын. Бұл қызмет түрлері кәсіпкерлік қызметпен байланысты. Сондықтан мұндай қызметтерден келген кіріске салық салынады», – деді Ерқанат Шынбергенов.
Сондай-ақ оның сөзінше, «Салық туралы» заңда жарнама қызметін көрсетуге байланысты салық салу бұрыннан қарастырылған. «Салық туралы» заңда жарнама қызметін көрсетуге байланысты салық салу қарастырылған. Сәйкесінше, салықтың жаңа түрін енгізу жоспарда жоқ, – деді ол.