2023 жылдың 12 маусымында аудандық Қоғамдық кеңес отырысы өткізілді. Күн тәртібінде аудандық тұрғын үй - коммуналдық шаруашылығы, жолаушылар көлігі және автомобиль жолдары бөлімінің басшысы Қайрат Сапарбаев мемлекеттік көрсетілетін қызметтер саласындағы атқарылған жұмыс қорытындыларын баяндады. Көрсетілетін мемлекеттік қызметтер электронды түрде көрсетілетіні айтылды.
Қоғамдық кеңес отырысына Мемлекеттік қызмет істері Агенттігінің Қызылорда облысы бойынша департаментінің Мемлекеттік қызмет көрсету басқармасының басшысы Нұржан Сүлейменов онлайн форматта қатысты.
Алдағы уақытта да тұрғындармен кері байланыс орната отырып, мемлекеттік қызметтердің электронды үлесін арттыру бағытында тиісті шараларды жандандыру тапсырылды.