Қыздар арасындағы бокстан әлем чемпионаты 2024 жылы Астанада өтеді деп хабарлады turkystan.kz сайтына сілтеме жасап.


Мұндай шешімді IBA Ташкентте өткен ресми отырыста қабылдады. Өтінішті Қазақстан бокс федерациясының халықаралық байланыс бойынша вице-президенті Азиз Қожамбетов ұсынды. Жарыс Астанадағы «Барыс Аренада» өтеді.
«Қазақстан сияқты мықты бокс елінің IBA-ның ірі турнирлерінің бірін өткізетініне қуаныштымын. Бұған дейін осындай дода Астанада 2016 жылы өткен, енді, міне, қайта оралғалы отыр. Мен тамаша чемпионатты асыға күтемін және алдағы жылы Астанада бас қосатын боксшыларды құттықтаймын», – деді IBA президенті Умар Кремлев.