Қоғамның қолдауы қажет
Президент Қасым-Жомарт Тоқаевтың биылғы халыққа дәстүрлі Жолдауында маған ерекше тартымды тұстары мына төмендегідей болды:
1. Мемлекеттік тілді бар қазақстандықтар білуге тиісті және оқып үйренуі керектігін, сонымен қатар ең ұзақ шекаралас көршіміз орыс тілін білгеніміз артық етпейтіндігін айтты.
2. Ауылдық жерлердегі жеке қосалқы шаруашылықтардың малына жайлымдық жер берілуін қайтадан пысықтауды үкіметке тапсырды.
3. Ауылшаруашылығына беріліп жатқан субсидиялардың талан-таражға түсіп жатуына назар аударғаны да халықтың көңілінен шықты.
4. Ең төменгі жалақының мөлшерін 60 мың теңгеге жоғарылатуы еліміз бойынша 1 млн адамның әл-ауқатына әсер етпек, сондай-ақ мәдениет, кітапханашы, музейші, қорықшылар, тех қызметкерлер мен жүргізушілердің жалақыларын 2025 жылға дейін, жыл сайын 20 пайыздан өсіруінің де ықпалы 600 мың адамға әсер етеді екен. Бұл дегеніміз халықтың өмір сапасының көтерілуіне едәуір септігін тигізері анық.
Қорыта айтқанда, жан-жағымыздан да, ішімізден де тосын жағдайлардың болып жатқанына қарамастан халық үшін батыл шешімдер қабылданғаны қуантарлық жәйттар деп түсінеміз.
Енді осы айтылған тапсырмалардың нәтижесін асыға күтіп, қоғам болып қолдаймыз.
Ақылбек Жәнібеков,
“Халықаралық медиация орталығы” РҚБ-нің аудан бойынша кәсіби медиаторы, аудандық қоғамдық кеңестің төрағасы
“Халықаралық медиация орталығы” РҚБ-нің аудан бойынша кәсіби медиаторы, аудандық қоғамдық кеңестің төрағасы
