Жайылма ауылында жаттығу алаңы ашылды

Жайылма ауылдық округінің орталығындағы кіші спорт алаңының жанынан жаттығу алаңы ашылды. Жаттығу алаңының құрал - жабдықтарын «Конструктив LTD» ЖШС орнатты. Ауыл жастарының бос уақытын тиімді пайдалану мақсатында, жаттығу алаңы жастардың игілігіне пайдалануға беріліп, әрі қарай ауылдың спорт нұсқаушысы Д.Мауленқұловтың қарауына жүктелді.
Әкімдік жергілікті тұрғындарды алаңға ұқыпты қарауға, құрылымдарды сындырмауға және аумақта қоқыс тастамауға шақырады.
Ауыл әкімі Әліби Букеев:
– Мұндай алаңдар балалар үшін де, ересектер үшін де қолжетімді, оларға бару – тегін. Алаң салауатты өмір салтын қолдау және балалар спортын дамыту, ауыл тұрғындарын заманауи спорттық инфрақұрылыммен қамтамасыз ету мақсатында орнатылады, — деп атап өтті.

Жаңақорған ауданы әкімдігі