Жаңақорғанда пробациялық бақылау белгіленген азаматтар арасында үстел теннисінен жарыс өтті

Бүгінгі таңда қоғамның маңызды мәселелерінің бірі - бас бостандығынан айыру орындарынан шыққан адамдарды әлеуметтік бейімдеу, жұмысқа орналастыру, олардың уақытын тиімді пайдаланып түрлі мәдени-спорттық шараларға қатыстыру және әрі қарай азаматтық қоғамға сіңісіп кетуі болып табылады.

Жаңақорған аудандық прокуратурасының бастамасымен Жаңақорған аудандық дене шынықтыру және спорт бөлімі мен Жаңақорған аудандық пробациясы қызметінің ұйымдастыруымен санитарлық-эпидемиологиялық талаптарды сақтай отырып, "Нашақорлыққа жол жоқ" немесе "Бәрің де жарысқа" ұранымен үстел теннисінен аудандық жарыс өтті. Аталған шараға пробация есебінде тұратын, қоғамнан оқшаулауға байланысты емес жаза түріне сотталған 25 ке жуық азаматтар қатысты. Сотталған азаматтарды қоғамға қайта бейімдеу, олардың уақытын тиімді ұйымдастырып, спортқа баулуды мақсат еткен жарыс Жаңақорған кенті орталығындағы Денешынықтыру - сауықтыру спорт кешенінде өткізілді.

Жарыс жеңімпаздары мен қатысушыларға ұйымдастырушылар тарапынан бағалы сыйлықтар мен Алғыс хаттар табысталды.

Жаңақорған ауданы әкімдігі фейсбук парақшасынан.