«Меруерт» жеке балабақшасында «Ал, кәнекей, әжелер» сайысы өтті. Шараға Аманкүл, Рыскүл, Әмина және Дина есімді әжелер қатысып бақ сынасты. Шарада жеті түрлі сынақ бойынша сыналып, озық өнер көрсете білген әжеге марапат бұйырды. Әжелер сайысып жатқан кезде, олаға қолдау білдірген бүлдіршіндер тамаша қойылым мен әннен шашу шашты.
Шарада балабақша меңгерушісі Марина Сейтжанова ақ жаулықты аналардың өнерін жоғары бағалап, үздіктерді атады. Шара барысында әжелердің сөз саптауы, жүріс-тұрысы, білімділік биігі, өнегелік қасиеті сараланды. Бұл – балабақша ұжымының ауызбіршілігі мен ынтымағы берік екенін, ата-анамен байланысы зор екенін аңғартты.

Әйгерім Еренова.