Шалапов Набихан «Шапағат» медалімен наградталды

Шалапов Набихан мәдениет саласында қызмет атқарған жылдары өңірімізде музей ісінің жандануы, өлке тарихының жетік әдістемелік тәсілдермен насихатталуы және тарихи жәдігерлер құндылығының сақталуы жолында елеулі еңбек етіп келеді. Ол ел тарихы мен ұлттық мұраларын жас ұрпаққа насихаттау, кейінгіге келелі мәлімет қалдыру мақсатында тарихи құжаттарды терең зерттей отырып республикалық бұқаралық ақпарат құралдарына бірнеше мақалалар жариялап, өзін тәжірибелі басшы болумен қатар білікті өлкетанушы ретінде таныта білді.
Сығанақ, Өзгент, Ордакент көне қалаларын, Қатынқамал, Аққорған, Апанқақ, Хорасан ата, Ақтас мешіті, Қарасопы, Құттықожа, Мейрамтөбе, Үкаша ата секілді киелі орындар мен рухани орталықтарды насихаттау мақсатында нәтижелі жұмыстар жүргізді.
Қазіргі таңда, еліміздің тәуелсіздік жылдарындағы тарихын қалыптастыру, ертеңгі ұрпаққа мұра етіп қалдыру жолында елеулі еңбектер жасап, бұқаралық ақпарат құралдарына тарихи-танымдық мақалалар жариялап келеді.

Қызылорда Облысы Мәдениет Басқармасы