Қазақстанда ең төменгі жалақының мөлшері арта ма?

Елімізде ең төменгі жалақы өзгеріссіз қалатын болды. Бұл туралы еңбек және әлеуметтік қорғау министрі Біржан Нұрымбетов мәлім етті, деп хабарлайды Stan.kz ақпарат агенттігіне сілтеме жасаған "Жаңақорған тынысы".
Министр ең төменгі жалақы, бастапқы шартсыз табыс және күнкөріс минимумы көбейтілмейтінін кесіп айтты.
"Келесі жылдың бюджетінде ең төменгі жалақы ретінде 42 500 теңге қарастырылған. Жақын арада күнкөріс минимумы да көтерілмейді", - деді Нұрымбетов.
Шенеунік азық-түлік жинақтамасына 43 өнім кіретінін ескеріп өтті. Сөзінше, тұтыну нормасын қазақстандық тамақтану интитуты, ал оның бағасын статистика комитеті бекітеді.
Айта кетейік, елімізде қазіргі күні ең төменгі жалақы 42 500теңгені құрайды. Ал күнкөріс минимумы 32 668 теңгеге тең.