Демалыс күндері ауа райы жылы болады
Қазгидромет 19-21 қыркүйекке арналған ауа райы болжамын жариялады, деп жазады 24.kz сайтына сілтеме жасаған zhanaqorgan-tynysy.kz.
Алдағы үш күнде Қазақстан аумағының басым бөлігіндегі ауа райына антициклон әсер ететін болады. Оның келуімен жауын-шашын біртіндеп тоқтап, температураның көтерілуі күтіледі. Қазақстанның батысына Мәскеу аудандарынан циклон ықпал етеді, ол жаңбыр, кей жерлерде қатты жаңбыр, найзағай, екпінді жел, дауыл тудырады, бұршақ түсуі мүмкін.
