Украина және Германиядан медициналық қорғаныш құралдары келді
2020 жылғы 19 тамыз күні Қызылорда облысына Украина және Германия мемлекеттерінен Ибупрофен 600 мг, Ибупрофен Атид ®600 мг, Мероаенем-Виста, Левофлоксацин-новофарм дәрілік препараттары мен термометрлер және медициналық қорғаныш құралдары гуманитарлық көмек ретінде келді.
Департамент қызметкерлері және Сovid-19 Қазақстан қоғамдық бақылау ұйымының еріктілерімен бірлесіп, келіп түскен дәрілік препараттар мен медициналық қорғану құралдарының облыстық арнайы дәрі-дәрмек қоймасына қабылдау барысына қоғамдық бақылау жүргізді.
Алдағы уақытта келген гуманитарлық көмектің облыстың емдеу мекемелеріне бекітілген бөлініске сәйкес таратылу барысына да департамент қызметкерлері мен қоғамдық ұйымдар бақылау жасайтын болады.
