Пән мұғалімдері баспана құрылысына үлесін қосты

⠀
"ЖЖЖ" ерікті жастарының бастамасымен салынып жатқан 3-ші баспана құрылысы қарқынды жүруде. Бүгінде қабырғасы толық көтеріліп, бір салары салынды. Сауапты істе ұстаздар қауымы да қарап қалмады. Ауданның дене шынықтыру пәнінің мұғалімдері баспанаға қажетті барлық терезелерін алып берді.
⠀
Аудандық білім бөлімінің әдіскері Қайрат Оралбеков, дене шынықтыру пәнінің бірлестік жетекшісі Әзілхан Жүнісұлы бастаған сауапты бастаманы №239 мектептен С.Абылов, №56 мектептен Ғ. Аринов өздерінің қомақты қолдауымен қарекетке көшті. Жас буынға ағалық үлгі көрсетіп жүрген дене шынықтыру саласының ардагер ұстаздары Мұхтар Әлжанұлы, №54 мектеп Ө.Оспанбеков, №208 мектеп Т.Аппаз, №256 мектеп Қ. Бабанов пен 6 аймақтың жетекшілері өз үлестерін қосты. "Арпа ішінде бір бидай" демекші, №110 мектеп-лицейінен Индира Манасбайқызы мен жалпы саны 40 ұстаз ортадан садақаларын беріп, баспанаға қажетті пластик терезесін алып берді. Атсалысқан барша дене шынықтыру пәнінің ұстаздарына алғыс айтамыз.