СӘУІРДЕН БАСТАП САМАРҚАНҒА ПОЙЫЗБЕН БАРУҒА БОЛАДЫ

2018 жылдың 1 сәуірінен бастап Павлодар-Алматы бағытындағы №31 / 32 стандартты пойызының жылжымалы құрамы «Тұлпар-Тальго» заманауи вагондарымен ауыстырылады, деп хабарлайды Baq.kz ақпарат агенттігі.

«Жедел пойыз күн сайын Павлодар станциясынан 21 сағат 11 минутта жөнелтіліп, Алматы-2 вокзалына 23 сағат 02 минутта жететін болады. Кері бағытта Алматы-2 вокзалынан шығу уақыты 16 сағат 12 минут, Павлодар станциясына келу уақыты 17 сағат 20 минут»,- делінген «Жолаушылар тасымалы» АҚ хабарламасында.

Сондай-ақ, пойыз жылдамдығының артуына байланысты сапар уақыты 3 сағатқа азаяды.
Бұдан басқа, 2018 жылдың 1 сәуірінен бастап «Самарқан-Астана Нұрлы жол» бағытымен №251/252 халықаралық пойызы енгізіледі. Бұл пойыз Астанадан жексенбі күндері, ал Самарқаннан жексенбі күндері аптасына бір рет жүретін болады.