Әлемдегі ең жүйрік пойыз
ҚЫТАЙЛЫҚТАР ЖАҺАНДАҒЫ ЕҢ ЖЫЛДАМ ЖҮРЕТІН ПОЙЫЗДЫ ҚҰРАСТЫРЫП ШЫҚТЫ. САҒАТЫНА 50 КМ ЖЫЛДАМДЫҚПЕН ЖҮРЕТІН ЖОЛАУШЫЛАР ПОЙЫЗЫ БЕЙЖІҢ МЕН ШАНХАЙДЫ БАЙЛАНЫСТЫРАДЫ ЕКЕН.
Арақашықтығы 1200 км-ден асатын Шанхай мен Пекин арасында жүретін пойыз әлемдегі ең жылдам деп саналып отыр. Автокөлікпен 13 сағатта жүретін жолды, жүйрік пойыз 4 сағат 28 минутта еңсереді екен. Теміржол өкілдерінің айтуынша, бірінші рейске билеттер бір аптаның ішінде сатылған. Бұл жол жылына 100 миллион жолаушы ағынын қамтамасыз ететін екі ірі қаланы байланыстырады. Жаңа пойыз толықтай Қытайда жинақталған. Оны жасаушылар 600 мың шақырым сынақ сапарын өткізіп, қызмет ету мерзімі кем дегенде 30 жылды қамтамасыз етеді деп мәлімдеген.Сондай-ақ, Фуксинг жаңа пойызы ескі пойыздардан Wi-Fi, USB-порттар мен қарапайым розеткалар секілді қосымша ыңғайлылықтармен ерекшеленеді. Пойыз автономды қауіпсіздік жүйесімен жабдықталған, ол штаттан тыс жағдайларға жауап бере алады және қажет болған жағдайда дер кезінде тоқтайды.
