ЖАҢАҚОРҒАН: Галстуксыз кездесуге галстук тағып келген кім?

Ел арасында «галстуксыз кездесу» деп аталып кеткен еркін форматтағы басқосуға аудандық «Жастар ресурстық» орталығының қызметкерлері, «Жас Отан» жастар қанатының аудандық филиал мүшелері, ауданға қарасты ауылдық округтердің жастар мамандары мен белсенді жастары, жастар ұйымдарының жетекшілері, тиісті сала басшылары қатысты.
       Кездесуде аудан жастары өз ұсыныс-пікірлерін айтып, аудан басшысына сұрақтар қойды. Жастар тарапынан қойылған сұрақтарға жан-жақты жауап берген аудан басшысы Сұлтан Ысқақұлы жас буын өкілдеріне ізденісті серік етіп, әркез білімдерін жетілдіріп отыру керектігін айтты. 
– Сапалы ұлттық адами капитал – әр жастың тұлға және маман ретінде қалыптасып, жетілуіне қатысы бар барлық салалардың тиімді жұмысынан құралатын ортақ нәтиже. Сондықтан, адами капиталды жақсарту - салааралық негіздегі жүйелі жұмысты талап ететін күрделі міндет. Қолда бар мүмкіндіктерді пайдалана отырып, бір де бір жасты назардан тыс қалдырмай, нәтижелі жұмыс жасауымыз керек. Ол үшін бізде барлық мүмкіндік бар. Мемлекет тарапынан жасалып жатқан мүмкіндіктерді жастар тиімді пайдаланса, өмірден өз орнын табады, ата-ана үмітін, ұстаздар сенімін ақтайды деп ойлаймын, – деді аудан әкімі.
Материалдың толық нұсқасын аудандық басылымның алдағы санынан оқисыздар.