ҚОРАСАН АТА КЕСЕНЕСІ 
(ХІХ ғ).
Жаңарық ауылынан оңтүстік-батысқа қарай 20 шақырымда орналасқан.
Қорасан ата кесенесін ХІХ ғасырдың аяғында ұрпақтары жөндеуден өткізген деседі. Аңыз бойынша Қорасан атаны Әлиден таратады. Қорасан ата таңғы намазын өз мешітінде, екінші парызын Меккеде оқитын болыпты. Әулие мавзолейі Жаңақорған кентінен 31-32 шақырымдағы архитектуралық ескерткіш. Мавзолей 1890 жылы басталып, 1898 жылы біткен, ұстасы Ә.Бабажанұлы. Қорасан ата кесенесі 2005 жылы қайтадан кірпіштен қаланып, күмбезделген. Кесене күйдірілген кірпіштен қаланған. Қазіргі жағдайы жақсы, айналасына жеміс ағаштарын егіп, гүл егіп, абаттандырылған. Зиярат етушілерге жағдай жасалынған. Қорғау тақтасы орнатылған. Ескерткіш Қыркеңсе а/о әкімдігінің теңгерімінде. 2017 жылғы 17 наурыздағы ҚР әкімдігінің және спорт министрінің № 90 бұйрығымен Республикалық маңыздағы ескерткіштер қатарына енгізілді.