ТӨЛЕГЕТАЙ-ҚЫЛЫШТЫ АТА КЕШЕНДІ МАЗАР-КЕСЕНЕСІ
ХІ-ХІІ ғ.
Орта ғасырлық ескерткіш. Аудан орталығынан 30 км жерде, Қыркеңсе елді мекеніне 7-8 км жерде орналасқан. Бабаның бұрынғы кесенесі құлап, ұрпақтары 1992 жылы ақ қыштан өріп, темір қаңылтырлы кесене тұрғызған. Кесененің ауданы
6 х 6 м, биіктігі 4 м болған. Кешен танымал батырлар Төлегетай-Қылышты ата жерленген жерде 1992 жылы тұрғызылған. Авторы – архитектор Б Ибраев. 2005-2008 жылдары ұрпақтарының демеушілігімен 2 күмбезді, 4 мұнаралы, 8 сынтасты керемет кесене қайта тұрғызылды. Кешен күйдірілген кірпіштен қаланып, ішкі құрылысы мрамордан жасалған. Қазіргі жағдайы өте жақсы,зиярат етушілерге жағдай жасалынған, айналасы абаттандырылып, гүл егілген. Қорғау тақтасы орнатылған.