ТАЭКВОНДО: ҚОС ЖҮЛДЕ ҚҰТТЫ БОЛСЫН
Өскемен қаласында өткен жасөспірімдер арасындағы таеквондодан (WT) ел біріншілігінде бұрымдылар барын салды. Алдымен, сынға түскен Аяна Əбсаттар 55 келіде ақтық сынға дейін қарсылас шақ келтірмеді. Тек шешуші кезеңде есе жіберіп, күміспен оралды. Ал, 29 келіде татами төріне көтерілген Гүлназ Қайбулла қоланы місе тұтты.
Шыны керек, Жаңақорғанда бұл спорт түрі енді ғана еңсе тіктеп келеді. Сондықтан, біз спортшылардан бұдан да биіктерді күтеміз. Әзірге аяқалысы жаман емес. Алғашқы ірі додада осындай нәтиже көрсеткен қос спортшыдан алдағы уақытта алтынмен сүйіншілейтін боламыз.
