ГАЛЫШЕВА ӘЛЕМ КУБОГЫНА ҚАТЫСУДАН НЕГЕ БАС ТАРТТЫ?

Іріктеу кезеңдерінен аттап өткен Галышева жартылай финалда Олимпиада чемпионы Перрин Лаффонға (Франция) есе жіберді. 
Жапонияның Тадзавако қаласында фристайл-могулдан кезекті әлем кубогы аяқталды. Бірінші жарыс күнінде қола медальмен көзге түскен Юлия Галышева параллельді могулда төртінші орында қалды, - деп хабарлайды Tengrinews.kz тілшісі ҚР Ұлттық олимпиадалық комитеттің сайтына сілтеме жасап. 
Кіші финалда Юлия австралиялық Энтони Джакараға қарсылас атануы керек еді. Алайда, қазақстандық спортшы жарысқа шығудан бас тартып, төртінші орын иеленді. Перрин Лаффон жеңіске жетсе, америкалық Джейлин Кауф күміс медальді еншіледі. 
Аяулым Әміренова, Олег Цинн, Александр Геберт пен Сергей Романовтар іріктеуден өткен жоқ. Павел Колмаков швециялық Уолтер Уолбергтен ұтылды. 
Ерлер арасындағы сында канадалық Микаэль Кингсбери жеңіске жетті. Екінші орында жапондық Икума Хоришима, үшінші орында франциялық Бенджамин Кавет. 
Айта кетелік, кеше Юлия Галышева жекелей сынды алғашқы үштік қатарына енген болатын. 
2-3 наурыз күндері Қазақстан тарихында тұңғыш рет фристайл-могулдан әлем кубогінің финалдық кезеңі Алматыда өтетінін еске саламыз.