ЖҮКЕМБАЕВТЫҢ ЖЕҢІСІ БЕЛБЕУ АЛУҒА МҮМКІНДІК БЕРМЕДІ

Батыр Жүкембаев чемпиондық белдіктен қағылды, деп жарыса жазуда отандық блогерлер. Иә, қазақстандық кәсіпқой боксшы Батыр Жүкембаев (14-0, 11 КО) кезекті жеңісіне қол жеткізді, дегенмен белбеу бұйырмады. Неге?

Әуелде оның мексикалық Патрисио Мореномен (20-3, 14 КО) жекпе-жегіне бірінші орта салмақтағы WBC International чемпиондық белдігі тігілуі тиіс болған еді. Бірақ салмақ өлшеу рәсімі өтетін күні ұйымдастырушылар бокс кешінде бұл белдік сарапқа салынбайтынын мәлімдеген. Белгілі болғандай, Жүкембаев бұл белдікке келесі кездесуде таласа алады екен. 

Айта кетейік, жерлесіміз Мореноны жетінші раундта нокаутқа жіберді. Алайда оған дейін өзі де нокдаунға түсіп барып, ес жиды.