ҚОШ БОЛ, ДЕНИС! СЕН ҚАЗАҚ ЕЛІНІҢ МАҚТАНЫШЫСЫҢ

Сочи Олимпиадасының жүлдегері, байрақты бәсекелерде ел намысын абыройлы қорғап жүрген мәнерлеп сырғанаушы Денис Тен мәңгілік мекеніне аттанды. Бұл ақпаратты Денсаулық сақтау министрлігінің баспасөз хатшысы Ернар Әкімқұлов растады, деп хабарлайды ҚазАқпарат.
«Өкінішке қарай, ол қайтыс болды», - деді ол. Оның айтуынша, денсаулық сақтау басқармасы кейін осы жағдайға байланысты брифинг өткізеді.
Белгілі болғандай, оқиға Құрманғазы Байсейітова көшелерінің қиылысында түскі сағат 15:00 шамасында болған.
«Спортшы көлігінің айнасын ұрлап бара жатқан екі адамның үстінен түскен. Екі арада басталған жанжалдың нәтижесінде әлгі адамдар Денис Тенді пышақтап кеткен. Оқиға куәгерлерінің айтуынша, спортшыны белгісіз адамдар пышақтап кеткен.
Иә, небәрі 25 жаста қыршыннан кеткен талантты ұлдың болашағы жарқын еді.
ҚОШ БОЛ ДЕНИС. ЖАНЫҢ ЖӘННАТТА БОЛСЫН!