Елбасы Нұрсұлтан Назарбаев Ресей Федерациясының Президенті Владимир Путинге қолдау көрсету үшін, футболдан 2018 жылғы Әлем чемпионатының ашылу салтанатына барады. Елбасы бұл туралы Қытайдағы журналистермен кездесу барысында айтты, деп хабарлайдыStan.kz ақпараттық агентігі, ҚазАқпарат-қа сілтеп.“Владимир Путинге келетін болсақ, ҚХР Төрағасы оны орденмен марапаттады. Мен оның бұл әрекетін жоғары бағалаймын. Мұндай жағдайда, біз Ресей басшысын қолдауымыз керек. Оған қолдау көрсету үшін, мен Әлем кубогының ашылу салтанатына барамын. Негізі, соңғы ойындарға барып жатады, бірақ мен ашылу салтанатына баруды жөн санап отырмын. Кейбіреулер наразылық танытып жатыр. Ал біз жақын доспыз, сондықтан онда баруға тиіспіз. Яғни, мемлекет басшыларының арасындағы қарым-қатынас әртүрлі қалыптасып жатады. Достық қарым-қатынас достықты туындатады. Алайда саясаткерлердің достығы – махаббат емес. Саяси достық та, адам ретіндегі достық та бар”, – деді президент.