Ел чемпионатында жүлдесіз емеспіз

Алматы қаласында өтіп жатқан еркін күрестен жастар арасындағы ҚР чемпионаты аяқталды. Бірнеше күнге созылған ел біріншілігінде жастардың жаңа толқыыны топ жарды. Бұл сында Сыр елінің сенімін арқалаған Құтынбек Асылбек күміс жүлдегер атанып, аудан абыройын асырды.

Бұған дейін облыс, республикалық турнирлерде топ жарып жүрген жерлесіміздің бұл алғашқы ірі жетістігі десе болады. Болашағынан үлкен үміт күттіретін осындай балуандарға қолдау көрсетуіміз керек-ақ. Кешегі Дәулет Ниязбеков пен Ғалымжан Өсербаев сынды Әлем жүлдегерлерінің ізін жалғайтын талантты жастар көп емес. Илман Изатов пен Серік Абдимауленов баптаған жас саңлақ осы бетінен қайтпаса бірер жылда ересектер сапына қосылып, жақсы нәтиже көрсетсе нұр үстіне нұр болар еді.