КҮМІС ҚҰТТЫ БОЛСЫН, ҚАЗАҚ ЕЛІ!

Самбо күресінен қыркүйек айының 13-15 күндері аралығында Индия елінің Нью-Дели қаласында өткен Азия чемпионаты қазақ балуандары үшін сәтті аяқталды. Ел үмітін арқалап барған Ғайбулла Диана күміс жүлдемен қуантты. Ендігі мақсат - Әлем чемпионатында топ жару.
Жалпы, #8ОРМБЖМ-нің түлегі Диана белбеу күресінен ел және байрақты бәсекелерде топ жарып жүр. Жуырда Жаңақорған төрінде жастар арасындағы ел біріншілігінде қарсылас шақ келтірмеді. Енді самбодан биікті бағындыру үстінде, алдағы уақытта дзюдо төрінен көріп қалармыз. Болашағынан үлкен үміт күттіретін балуанның күмісі алтынмен тең.
Бұрымды балуанның жаттықтырушылары-Алмат Әбдіназаров, Нұрлыбек Алдабергенов.
Жеңісті күндер көп болсы, қазақ елі!